車手獎申請懶人包

申請資格、金額計算、申請方法一文睇清

撞車、被車撞、過馬路遇上意外，受傷之後除咗睇醫生，仲可能要面對病假、收入減少、醫療開支等問題。

好多香港人聽過「車手獎」，但真正要申請嗰陣，就會開始問：
我符唔符合資格？可以攞幾多？點樣申請？攞咗之後仲可唔可以追對方？
呢篇eclaim就同你逐樣拆開講。

車手獎其實係咩？

「車手獎」唔係官方名稱。官方名稱係「交通意外傷亡援助計劃」，由社會福利署負責，主要為交通意外受害人，或者因交通意外死亡人士嘅受養人提供經濟援助。

呢筆援助同一般交通意外民事賠償係兩回事。簡單講：

車手獎 ＝ 政府提供嘅經濟援助
民事索償 ＝ 向有法律責任嘅一方追討損失

car_img_01
car_img_02

交通意外發生之後，符合條件嘅話，可以先了解車手獎；至於之後係咪仲有其他索償權利，就要再按事故責任、傷勢同損失等因素判斷。

先睇清楚：你單意外係幾時發生？呢一點非常重要。交通意外傷亡援助計劃喺2025年6月28日凌晨零時起已經實施新安排，所以唔同發生日期，適用嘅規定同金額可以唔一樣。

例如而家新安排下，符合條件嘅受傷人士，可以按病假或住院日數申請體恤補助；而2026年4月1日或之後發生嘅交通意外，體恤補助由每日$336起，最高60日，即$20,160。

所以，如果你喺網上見到：「每日$765」「之後每日$320」「最多180日」
唔好即刻照跟。呢啲可能係舊制資料，首先要對返你單意外嘅發生日期。

邊啲人可以申請車手獎？

「車手獎」個名好似只係司機先有份，其實唔係。交通意外傷亡援助計劃並唔係只限司機。
符合計劃條件嘅交通意外受害人，都可以按規定申請。

1｜意外屬於計劃涵蓋嘅交通意外

事故需要符合《交通意外傷亡者（援助基金）條例》（第229章）所指嘅交通意外。

2｜已經向警方報案

相關交通意外須向警方報案，申請時亦要提供所需資料作核實。

3｜意外發生時合法留在香港

受害人喺意外發生時，必須符合合法留港嘅要求。

4｜符合受傷、傷殘或者死亡等條件

以現行安排而言，受害人如果因意外死亡、永久傷殘，或者留醫/由註冊醫生或註冊中醫證明需要不少於7日病假，可以按相關規定申請。

5｜留意6個月申請期限

一般要喺意外發生日期後6個月內提出申請。呢個期限唔應該拖。

病假一定要幾多日？

新制下，呢個問題特別多人問。對於2025年6月28日凌晨零時或之後發生嘅交通意外，一般受傷申請需要留醫，或者由註冊醫生/註冊中醫證明需要不少於7日病假。

所以唔好見到以前啲文章寫：
「3日病假就得」

就直接當成今日仍然適用。
如果你唔肯定自己個案係咪符合條件，最好先對返意外日期，再睇返現行規定。

car_img_03

車手獎可以攞幾多？

車手獎唔係一筆人人相同嘅固定金額。計劃主要包括：

體恤
補助

傷殘
補助

死亡
補助

殮葬
補助

體恤補助

以2026年4月1日或之後發生嘅交通意外為例，體恤補助由每日$336起，最高$20,160；補助額按病假或住院日數計算，最高60日。

例如：
7日→$2,352
14日→$4,704
30日→$10,080
60日→$20,160

傷殘補助

如屬永久傷殘，會按相關準則評定。

現行發放細則顯示，2026年4月1日或之後發生嘅交通意外，傷殘補助由$233起，最高$233,280；60歲或以上人士，補助金按規定減少三分之一。

死亡補助

如交通意外導致死亡，死亡補助會視乎死者係咪唯一謀生者、受養人數目及家庭情況等因素計算。

例如唯一謀生者死亡並遺下受養人，首名受養人可獲$194,400，其餘每名受養人可得$16,200，最高可達$275,400。其他家庭情況則有不同標準。

殮葬補助

2026年4月1日或之後發生嘅交通意外，殮葬補助為每人$17,870；如果部分或全部殮葬費已由政府或慈善基金支付，會按規定扣減。

最重要係：實際金額唔係自己計完就當作最終結果，最後要由社署按個案資料審批。

車手獎到底點樣計？

最簡單可以理解為：意外日期＋傷勢/傷殘情況＋病假/住院日數＋家庭及受養人等資料一齊決定你適用邊一類援助。
以體恤補助為例，現行安排下就係按符合資格嘅病假或住院日數計算；但如果係傷殘或者死亡個案，就要再按相應規定處理。
所以，唔好單純用「我放咗幾多日病假」去估自己全部可以攞幾多。

點樣申請車手獎？

其實流程唔算複雜，最緊要係早啲處理、資料準備齊。

01

交通意外發生後盡快報警

保留相關報案資料。

02

盡快求醫

保留病假紙、醫療證明、住院紀錄等文件。

03

提交初步申請

社署提供「交通意外傷亡援助金初步申請表」，亦設有網上申請表格。現時網上申請需要使用具數碼簽署功能嘅「智方便+」帳戶。

04

準備所需證明

按社署要求提交身份、交通意外及醫療等相關資料。

05

配合社署核實

除因特別情況或行動不便外，申請人一般須親身到交通意外傷亡援助組提供資料及證明文件。社署亦會按需要向警方、家人等核實資料。

文件唔齊會點？

申請車手獎唔係「交張表就等錢」。如果缺少重要資料，或者社署需要再核實事故、傷勢等情況，申請就可能需要補交資料，處理時間亦可能受影響。

所以以下資料最好一早整理好：

身份證明文件

警方報案資料

醫療證明/病假資料

住院紀錄（如適用）

其他與申請有關嘅證明文件

而申請期限亦要記住：

一般係意外發生後6個月內。

民事索償通常追啲咩？

交通意外如果涉及其他人士嘅法律責任，民事索償可以按個案情況涉及不同損失。例如：

醫療相關開支

收入損失

傷勢造成嘅損失

長期工作能力影響

其他可依法追討嘅損失

究竟可以追邊啲、金額幾多，要睇返事故責任、傷勢、醫療資料、工作收入及其他證明。

我應唔應該申請車手獎？

如果你符合相關資格，交通意外之後可以盡快了解。尤其係有6個月申請期限，唔好因為同
時考慮其他索償，就一直拖住唔處理。

不過，亦唔好為咗「夠日數」而刻意誇大病情或者要求醫生開不符合實際情況嘅病假證
明。醫生點判斷，應該以你實際傷勢及醫療需要為準。

車手獎常見問題

eclaim可以點幫你？

如果你只係想申請交通意外傷亡援助，可以直接按照社署公布嘅申請方法處理。但如果你除咗車手獎，仲想知道：
「我單交通意外有冇其他索償？」
「對方可能要唔要負責？」
「醫療費、收入損失等可以點處理？」

呢啲就屬於另一套交通意外索償問題。eclaim專注處理香港交通意外索償，可以由初步法律評估開始，協助整理資料、分析個案及跟進相關索償程序。

索償唔識點搞？eclaim來幫你！

立即開始免費評估

*以上資料只供一般參考，並不構成法律意見或專業法律建議。交通意外傷亡援助計劃的申請資格、發放標準、計算方式及申請程序，以社會福利署最新公布為準。

box-7

滚动至顶部